Ástkær faðir, tengdafaðir, afi og langafi lést á Landsspítalanum þriðjudaginn 11 ágúst. 

Útförin fer fram frá Fríkirkjunni í Hafnarfirði

Fjölskyldan þakkar auðsýndan hlýhug og vináttu.

Magnús Sigurður (Herjólfur) Ríkarðsson fæddist í Neskaupsstað 9. Júní 1942.  Hann lést á Landsspítalanum þann 11. ágúst síðastliðinn.

Foreldrar hans voru Ríkarður Magnússon f. 1921, d. 2007 og Hólmfríður Kristín Metúsalemsdóttir f. 1917, d. 2003.  Systkini Magnúsar eru Ríkarður Ríkarðsson f. 1954 og Halldóra Ríkarðsdóttir f. 1949.

Eiginkona Magnúsar var Hólmfríður Sigurðardóttir f. 31.08.1942, d. 10. okt. 2021, þau gengu í hjónaband 1966. Börn þeirra eru 1) Sigurður Magnússon f. 1966, giftur Þóru Þórisdóttur f. 1962, þau eiga tvo syni og tvær dætur og sjö barnabörn. 1) Sigrún Birta Sigurðardóttir f. 1984 í sambúð með Marteini Einarssyni f. 1984 og eiga þau tvö börn.  2) Guðbjörg Lára Sigurðardóttir f. 1990, gift Jónasi Inga Jónassyni f. 1988 og eiga þau þrjú börn.  3) Kolbeinn Lárus Sigurðsson f. 1991, í sambúð með Lindu Rós Eðvarsdóttur f. 1989 og eiga þau tvö börn. 4) Þangbrandur Húmi Sigurðsson f. 1996 í sambúð með Dagmar Þórhildi Lúðvíksdóttur f. 1996.  2) Ríkarður Kristinn Magnússon f. 1970, giftur Guðrúnu Margréti Björnsdóttur f. 1971, þau eiga tvær dætur og þrjá syni.  1) Steinunn Fríða Ríkarðsdóttir f. 1994, gift Guðmundi Hermanni Salbergssyni f. 1993 og eiga þau fjögur börn. 2) Guðný Lára Ríkarðsdóttir f. 2002  3) Björn Andri Ríkarðsson f. 2008, 4) Margeir Ríkarðsson f. 2010 og 5) Magnús Ríkarðsson

Magnús ólst upp á Neskaupstað, en flutti á unglingsárum til Hafnarfjarðar.  Hann nam bátasmíði við Bátalón og skipasmíðastöðina Dröfn í Hafnarfirði, starfaði í skipasmíðastöð Kochums í Svíþjóð um tíma, vann um tíma sem húsasmiður eftir heimkomu frá Svíþjóð, stofnaði ásamt Óla Rafn Sumarliðasyni Gufubaðsstofu Hafnarfjarðar árið 1973.  Hann réð sig sem verkstjóra í framleiðsludeild Garðastáls í Garðabæ 1977 og vann sem sölustjóri þar fram að eftirlaunaaldri.

Magnús var ötull við að liðsinna eiginkonu sinni í veikindum hennar fram að andláti.

Magnús var virkur í ýmsum félagsmálum, var m.a. meðlimur í Lionsklúbbnum Ásbirni, í gönguhóp eldri félaga í Hafnarfirði, stundaði pool og pútt og sótti gufu í Sundlaug Hafnarfjarðar reglulega.  Hann var afar ástríkur afi og áhugasamur um allt sem snéri að barna- og barnabörnum, var einstaklega hjálpsamur við bíla- og húsnæðiskaup.  

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Magnús Sigurður Ríkarðsson

Andlátstilkynning

Útför

Aðstandendur

Þakkir

Ertu með minningargrein?