Ástkær eiginmaður, faðir, tengdafaðir, sonur, bróðir og afi, Lárus Heiðarsson, lést á Akranesi miðvikudaginn 28. október af völdum krabbameins.

Útför fer fram frá Akraneskirkju föstudaginn 6. nóvember klukkan 13. Útförinni verður einnig streymt.

Lárus Heiðarsson fæddist 7. maí 1966 á sjúkrahúsinu á Akranesi. Hann lést 28. október 2026 á Heilbrigðisstofnun Vesturlands af völdum krabbameins. Foreldrar hans eru Jón Heiðar Magnússon, f. 13. mars 1935, d. 17. júní 2022, og Kolbrún Leifsdóttir, f. 17. október 1939. Systkini hans eru Óli Þór, f. 8. október 1956, Valdís, f. 26. janúar 1961, Leifur, f. 27. mars 1968, og Magnús Grétar, f. 1. nóvember 1973, d. 29. janúar 1989. 
Lárus kynntist Sigríði Björnsdóttur árið 1989 og gengu þau í hjónaband 17. apríl 1990 í Jónshúsi í Kaupmannahöfn. Börnin eru: Silja, f. 28. maí 1987, maki hennar er Anna Albertsdóttir, f. 21. nóvember 1981. Roy Oliver, f. 17. júní 1987, maki hans er Aida Saraz, f. 3. október 1989. Róbert Sveinn, f. 18. ágúst 1988, maki hans er Odda Júlía Snorradóttir, f. 11. ágúst 1997. Lára, f. 25. september 1990. Kolbeinn Magnús, f. 11. maí 1996. Björn Sturlaugur, f. 17. maí 2004.
Afabörnin eru orðin sjö talsins og það áttunda er rétt ókomið í heiminn.

Lárus var menntaður skógfræðingur frá Ekenäs forstinstitut í Finnlandi og starfaði hjá Skógrækt ríkisins í 28 ár ásamt því að stunda skógarbúskap á eigin jörð, Droplaugarstöðum í Fljótsdal. Hann var einn helsti sérfræðingur landsins á sviði viðarvaxtar og grisjunar skóga. Eftir hann liggja fjölmargar fræðigreinar í alþjóðlegum vísindaritum og þróaði hann einnig forrit til að spá fyrir um vöxt skóga og ákjósanlegan tíma til grisjunar. Með störfum sínum lagði Lárus mikilvægan skerf til þróunar skógræktar á Íslandi. Hann var einnig virkur í sveitarstjórnarmálum í um 20 ár og gegndi um skeið embætti oddvita Fljótsdalshrepps. 

Tónlist skipaði stóran sess í lífi Lárusar og lék hann á trommur í ýmsum hljómsveitum allt frá unglingsaldri og fram á síðustu ár. Hann stundaði handknattleik frá barnæsku og fram á fullorðinsár og hlaut meðal annars verðlaun fyrir árangur sinn. Einnig var hann ötull skotveiðimaður og naut fjölskyldan, börn hans og barnabörn, góðs af veiðunum.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Lárus Heiðarsson

Andlátstilkynning

Útför

Aðstandendur

Ertu með minningargrein?