Kristján lést á hjúkrunarheimilinu Grund 5. október sl. útför hans fer fram í Lágafellskirkju 19.október kl 15:00

kærar þakkir til starfsfólks á hjúkrunarheimilinu Grund fyrir alúð og góða umönnun.

Kristján ólst upp í Hrísey og Hafnarfirði. Móðir hans lést árið 1944 þegar hann var aðeins á tíunda ári. Hann var það lánsamur að vera settur í fóstur hjá þeim heiðurshjónunum  Sigríði Kristjánsdóttur og Hjörleifi Guðmundssyni sem voru þá að reisa hús sitt Húsatún í Haukadal vestur í Dýrafirði. Þau hjónin tóku vel á móti drengnum og þar leið honum vel. Fljólega var Kristján farinn að taka til hendinni og bar út póstinn í byggðinni og út á Þingeyri. Spölurinn var drjúgur fyrir lítinn dreng og til þess að spara honum sporin setti fólk hvít lök í glugga til þess að gefa honum merki um hvort hann þyrfti að sækja bréf upp að bæ. Ef ekkert var lakið þá gat hann haldið áfram en annars gekk hann upp að bæ til að sækja það sem átti að sendast. Kristján hjálpaði einnig til við bústörfin og þótti einstaklega fjárglöggur strax á unga aldri. 

Styrmir yngri bróðir Kristjáns var einnig í fóstri í Húsatúni og undu þeir bræður sín vel saman í sveitinni. Haukadalur varð þeim báðum svo kær að þeir tóku síðar upp nafnið Haukdal. Í sveitinni var farskóli sem þeir bræður sóttu. Kennarinn þeirra var Helgi Pálsson frá Brautarholti í Haukadal. Helgi hafði þann háttinn á að í tvær vikur kenndi hann í Haukadal og svo aðrar tvær í Keldudalnum og voru nemendur hans iðnir við námið enda einkunnir þeirra fyrir ofan landsmeðaltal. Þegar þeir bræður voru 11 og 13 ára gamlir sóttu þeir bréfaskóla SÍS (samband íslenskra samvinnufélaga)  þar sem þeir lögðu stund á vélfræði en lágmarksaldur þar var 16 ár. Þeir Kristján og Styrmir útskrifuðust þó báðir með skírteini upp á vasann um réttindi fyrir 50 hestöfl. Kennarinn þeirra var Andrés Guðnason sem þeir kynnust svo betur síðar í síldarvinnslunni við Klett

Á Húsatúni var alltaf húslestur á kvöldin og þar lærði Kristján að prjóna. Það kom sér nú síðar nokkuð vel þegar þau Dóra voru um sextugt. Þá sagði hún við að nú þyrfti hann að læra að verða gamall og lagði prjóna í hendur hans. Skemmst er frá því að segja að úr þeirri samvinnu urðu til ótal peysur á börnin og barnabörnin. 

Fyrsta launaða starfið hans Kristjáns var vegavinna á Vestfjörðum þar sem hann ók vörubíl. Nítján ára var ferðinni heitið til Reykjavíkur. Það voru mikil viðbrigði fyrir sveitastrákinn að flytjast á mölina. Í Reykjavík sá hann í fyrsta skiptið á ævinni tannbursta. Tennur hans voru engu að síður allar heilar og óskemmdar því að í Haukadal var ekki mikið um sykurát. Þar fékk hann kandís einu sinni í mánuði og fór sparlega með. Í borginni hóf hann störf við fiskimjölsverskmiðjuna en einnig starfaði hann sem leigubílstjóri í mörg ár. 

Og svo var það ástin. Hún birtist í formi fallegrar stúlku á því herrans ári 1957. Þar var hún elsku Dóra komin inn í líf hans og þá var ekki aftur snúið. Ástin hans Kristján er Dóra Diego Þorkelsdóttir. Hún er fædd 23. september árið 1941. Þau gengju í hjónaband 11.október 1959.

Fyrir átti Kristján soninn Jón en móðir hans er Jóhanna Einarsdóttir. Barnsmóðir Jóns var Hafdís Gerd Poulsen og dóttir þeirra Krista Dís Guðmundsdóttir sem var ættleidd af þeim Guðmundi Hjörleifssyni og Sigurbjörgu Magnúsdóttur. Eiginkona Jóns er Bára Guðbjartsdóttir og þeirra börn eru Kristján en sambýliskona hans er Steinunn Ragnhildur Guðmundsdóttir. Fyrir átti Kristján dóttur með Kristbjörgu Sigtryggsdóttur. Svo er það Frímann, eiginkona hans er Unnur Dögg Ómarsdóttir og þau eiga þrjú börn. 

María Kristjánsdóttir Hitchings. Eiginmaður hennar er Jack Wayne Hitchings. Dóttir þeirra er Melissa Shay og hún á tvo syni. Sonur Maríu er Óðinn Örn Óskarsson og eiginkona hans er Susannah Óskarsson. Þau eiga eina dóttur.

Næstur í röðinni er Þorkell. Eiginkona hans er Fanney Hauksdóttir. Dóttir þeirra eru Dóra Diego og eiginmaður hennar er Daniel Hunt. Þau eiga þrjú börn. Sonur þeirra er Arnór Diego og eiginkona hans er Denice Bala. Þau eiga tvö börn. Lestina rekur Kristján Haukur. Eiginkona hans er Elva Björk Jónatansdóttir. Börn þeirra eru Arna Björk. Barnsfaðir tveggja barna hennar er Ian Johnson. Ragnhildur Rós. Eiginmaður hennar er Eiríkur Garðar Einarsson og þau eiga þrjú börn. Jónatan Þór og eiginkona hans er Ellen Björg Torfadóttir en þau eiga þrjú börn. Að síðustu er það Ásgeir Örn en eiginkona hans er Aleksandra Nína Írenudóttir Veilbakh. Eins og heyra má eru afkomendurnir orðnir fjölmargir og ef mér telst rétt til eru langafabörnin orðin 20 og langalangafa 3 talsins.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Kristján Haukdal Þorgeirsson

Andlátstilkynning

Útför

Aðstandendur

Þakkir

Ertu með minningargrein?