Jón Halldórsson

Elsku pabbi

Hann pabbi var hæverskur, kíminn og einstaklega viðkunnanlegur. Hann var bridge maður mikill og fór gjarnan á mót með góðum vinum sínum. Hann naut sín einnig við skákborðið og á golfvellinum. Pabbi elskaði fátt meira en útiveruna og fór hann alla sína tíð í ferðalög um Ísland og gekk yfir fjöll og firnindi. Ættjarðarást hans birtist einnig í áhuga á ljóðlist og var Þorsteinn Erlingsson meðal uppáhalds skálda hans. Hann skar gjarnan ljóðlínur Þorsteins út í hillurnar sem hann smíðaði, þar á meðal orðin: „Hárra fjalla frægðaróð, fossarnir mínir sungu.“ Þessi orð prýða síðustu hilluna sem hann gerði, árið 2019, ásamt útskorinni mynd af Goðafossi.