Hjördís María Georgsdóttir fæddist 29. september 1954 í Reykjavík og bjó þar til áramóta ’54-’55 þegar fjöslkyldan fluttist að Syðri Reykjum í Biskupstungum þar sem hún ólst síðan upp. Foreldrar hennar voru Brynja Ólafía Ragnarsdóttir f. 1934 og Georg Franzson f í þýskalandi 1930. þau eru bæði látin. Systkini hennar eru: Jón Þór sammæðra, og Erla sammfeðra. Hjördís var elst alsystkinanna, hin eru Ragnheiður Lilja, Eiríkur Már, Heiðrún Björk og Íris Brynja. Eftir að Hjördís kláraði skyldunámið í Reykholtsskóla, fór hún að passa börn og vann síðan í eldhúsinu á Landspítalanum og síðar í Kexverksmiðjunni Frón.   Hjördís giftist Gunnari Einarssyni árið 1976 og þau fluttu hingað á Selfoss, þaðan sem Gunnar er. Þá fór Hjördís að vinna í þjónustu við aldraða bæði heima og í Grænumörk, þar sem hún starfaði í 30 ár. Þau Gunnar eiga fjögur börn: 1) Jóhann Georg f 1975, hann er búsettur á Hvolsvelli, starfar hjá Sláturfélagi Suðurlands. 2) Elín Helga f 1980 er í sambúð með Ágústi Harðarsyni og eiga þau tvö börn, Þorgeir Kristinn og Signýju Rut. Þau eru búsett á Selfossi. Elín starfar sem þroskaþjálfi og Ágúst hjá Borgarverk. 3) Þórdís Bára f. 1984. Gift Tiki Uluave og eiga þau Hrafnkel Tý. Þau eru búsett á Selfossi og starfar Þórdís á leikskólanum Óskalandi í Hveragerði. 4) Einar Daði f. 1992. Giftur Juliu Romell og eiga þau soninn Hilmi Gunnar. Þau eru búsett í Gautaborg þar sem Einar starfar sem grunnskólakennari.   Hjördís var mikill sælkeri og elskaði góðan mat. Henni fannst gaman að fara á tónleika og voru mæðgurnar og systur hennar tíðir tónleikagestir í Hörpunni. Ýmsar rokkhljómsveitir s.s. Led Zeppelin voru hennar uppáhald, en hún hafði samt mjög breiðan tónlistarsmekk.  Hjördís elskaði blóm, en var ekki sannfærð um að sjálf væri hún með græna fingur, þó svo pabbi hennar hafi verið garðyrkjubóndi. Hún var því mest með gerviblóm hjá sér. Svartur var ekki uppáhaldsliturinn hennar og því eru sumir kirkjugestir í litríkum og blómóttum klæðnaði hér í dag.  Hjördís hafði einstaka ánægju af að vera með barnabörnunum sínum og vildi allt fyrir þau gera, en þau voru orðin fjögur. Hún varð amma í fyrsta skipti 04. júni 2009 þegar Þorgeir Kristinn, kom í heiminn á Landspítalanum í Reykjavík. Hún var þá stödd á Selfossi, ekki með bílpróf og fannst bjargaði sér með því að ferðast með strætó yfir heiðina til að hitta ömmudrenginn sinn. Hún minntist þessa dags oft og sagði að henni hefði aldrei fundist leiðin til Reykjavíkur jafn löng eins og þennan tiltekna dag.    Hún var einfaldlega besta amman og börnin nutu þess virkilega að vera í kringum hana. Þau sakna hennar mikið og skilja auðvitað ekki af hverju amma var tekin svona snöggt frá þeim.  Hjördís hafði gaman af að ferðast og prjóna, prjónaði gjarnan litla sokka, en í seinni tíð var það orðið erfiðara út af öxlunum og bakinu. Hún var mikill föndrari og var í saumaklæúbbnum Föndurenglarnir þar sem mikið og margt var brallað.   Hjördís var trúuð og mikið jólabarn. Hún tók sér góðan tíma í að undirbúa jólin, skreyta, baka og skreyta meira. Hún sá líka til þess að allir fengju gjafir. Hún var sérlega hlý kona og ef einhver gaf henni eitthvað, vildi hún alltaf gefa til baka - launa fyrir gjöfina. Þannig var hún.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Hjördís María Georgsdóttir

Útför

Ertu með minningargrein?