Elsku mamma, tengdamamma, amma, langamma og vinur lést að heimili sínu  21. desember. Jarðsett hefur verið í kyrrþey að ósk hinnar látniu.

Guðmunda Júlíana Tyrfingsdóttir var fædd á Herríðarhóli  ( Herru ) í Holtum. 22.10.1930 d. 21.12.2025

Hún var dóttir Tyrfings Tyrfingsonar f. 1901 d. 1961 fæddur í Ártúnum á Rángárvölum og Kristínar Margrétar Jónsdóttur f. 1901 d. 1978 fædd í Vatnsfjarðarseli við Ísafjarðardjúp

Systkini hennar; Guðbjörg Jóna f. 1928 – látin, Tyfringur f. 1929 – látinn, Guðmunda f. 1932, Guðmundur f. 1933, Árni Héðinn f. 1934 – látinn, Sæbjörg Gróa f. 1936 – látin, Fjóla f. 1938 – látin, Sveinn f. 1941 – látinn, Guðrún f. 1943

Þau fluttu frá Herríðarhóli í Kálfholtshjáleigu sem síðar heitir Lækjartún.

Júlíana giftist Halldóri Þórðarsyni f. 1933 d. 2017 búsettum á Litla Fljóti. Þau slitu samvistum.

Saman áttu þau fjörur börn.  Þórð Jóhannes, Tyrfing, Björg og Kristínu Margréti.

Jóhannes maki Sólveig Karlsdóttir með henni tvö stjúpbörn, átta barnabörn og níu langafabörn

Tyrfingur maki Sigríður Garðarsdóttir eiga þau þrjú börn og eitt barnabarn

Björg maki Jóhann Þorsteinn Gunnarsson og eiga þau tvö börn og þrjú barnabörn

Kristín Margrét sambýlismaður Markus Kuster á hún tvær dætur og stjúpson og fimm barnabörn

Einar Þórketill varð síðan eins og eitt af börnunum. Kom fyrst 7 ára og síðan vara hann öllum stundum eins og ein úr hópnum.

Seinni maður Júlíönu var Ólafur S. Jensson f. 1933 d. 2017 frá Miðbæ í Haukadal í Dýrafirði.

Skólagngan var fremur stutt og var það í farskóla. Síðan var það skóli lífsins sem tók við. Á yngri árum var hún oft sem vinnukona tímabundið á heimilum. Fór síðan að vinna á saumastofum í Reykjavík og Hafnafirði. 

Kom fyrst að Litla Fljóti 1954 og flutti þangað 1956.

Þar var hún við búskapinn og tók þátt í starfi kvennfélagsins.

Fór þaðan 1993 og flutti til Reykjavíkur. Vann þar mest í heimaþjónustu og við matseld.

Hún var mjög afkastamikil prjónakona og þá helst lopapeysur, sokka og vettlinga.

Starfaði líka innan kirkjunar og sem sjálfboðaliði hjá Rauða krossinum.

Útför fór fram í kyrrþey að ósk hinnar látnu.

[DEFAULT]

Kominn er sá tímapunktur í lífinu að við kveðjum ömmu.

Amma var hlý, sterk og ótrúlega dugleg, sannkallaður dugnaðarforkur. Hún var alltaf með eitthvað á prjónunum, hvort sem það voru peysur, sokkar, vettlingar eða einfaldlega góð ráð. Handavinnan var þinn heimur.

Þegar við komum í sveitina tókst þú á móti okkur opnum örmum og fannst alltaf tíma til að bralla eitthvað með okkur, sama hversu mikið var að gera á bænum. Þú kenndir okkur að umgangast dýrin, sitja hest og njóta þess að vera úti í náttúrunni. Þú kenndir okkur að meta vinnu, virðingu og kærleika og gleðjast yfir einföldu hlutunum í lífinu.

Enginn bakaði flatkökur og réttarkökur eins og þú. Þær voru ómissandi í réttunum og hluti af því sem gerði haustið svo sérstakt. Sem hluti af undirbúningi jólanna var einnig ómissandi að skera laufabrauð með þér sem eru minningar sem lifa með okkur um ókomin ár. Laufabrauðið verður alltaf hluti af jólunum, rétt eins og þú verður alltaf hluti af okkur.

Þú hlustaðir á okkur af einlægni, varst forvitin um líf okkar, spurðir, hvattir og studdir. Þú varst stolt af afrekum okkar, stórum sem smáum, og minntir okkur á að við gætum allt sem við einsettum okkur.

Þú kenndir okkur sögur, kveðskap, ljóð, söngva og bænir en gafst okkur ekki aðeins minningar, heldur gildi, rætur og ást. Kæra amma, þú skilur eftir þig spor sem aldrei munu þurrkast út. Við þökkum þér fyrir allt sem þú varst og allt sem þú gafst.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Guðmunda Júlíana Tyrfingsdóttir

Andlátstilkynning

Útför

Aðstandendur

Kominn er sá tímapunktur í lífinu að við kveðjum ömmu.