Elsku Bjössi okkar kvaddi þennan heim á Aðfangadag árið 2025 eftir snarpa baráttu við krabbamein. Hans verður sárt saknað af mörgum en minning hans er ljós í lífi okkar allra.

Anna Lilja Björnsdóttir

Elsku pabbi minn ❤️

Mér finnst óraunverulegt að ég sé að skrifa þessi orð og á enn erfitt með að trúa því að þú sért raunverulega farinn. 

Að hugsa til þess að hitta þig ekki aftur né heyra röddina þína er gríðarlega erfitt og mér finnst það ósanngjarnt. Þú varst tekinn alltof snemma frá okkur vegna veikinda en þú sýndir ótrúlega seiglu og þrautseigju. Ég dáist að því hugarfari sem þú hafðir í gegnum allt þetta ferli.  

Ég hugga mig við það að þér líði betur núna og að þú getir loksins hvílt þig. Ég mun alltaf geyma og varðveita þær minningar sem við áttum saman, þær voru nú margar. 

Öll ferðalögin austur, bílferðirnar í bænum, samtölin sem við áttum um allt og ekkert og ekki síst pabba brandararnir sem þú hlóst alltaf af (mér fannst þeir ekki alltaf jafn fyndnir en ég hló samt). Einnig varðveiti ég alltaf þær stundir sem við áttum saman þegar það kom að tónlistinni. Ég að syngja og þú að spila undir, það var alltaf best þegar þú varst mér við hlið. 

Takk fyrir allt elsku pabbi, að eiga þig að var það dýrmætasta sem ég átti og ég mun ávallt minnast þín með ást og hlýju. Ég veit að þú vakir yfir mér og að þú passir upp á mig alla tíð. 

Elska þig að eilífu ❤️

Þín Anna Lilja. 

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Björn Guðjón Sigurðsson

Andlátstilkynning

Útför

Ertu með minningargrein?